السلام عليكم ورحمة الله بركاته , أنا أول ماانشأت المدونة الخاصة بي اعدت أفكر أول موضوع ليه هيكون إيه وكان لازم يكون ماشي مع اسم المدونه وهو How To Be Different ولقيت إن الواحد عمره ماهيكون مختلف إلى لما يعرف هو إيه عمل إيه في حياته بقى إيه وعلى فكرة أنا سألت نفسي كل الأسئلة ديه وده مش تقليل من نفسي لا سمح الله أنا قصدي بالاسئلة ديه إن كل واحد أول مايصح من النوم بعد مايقول اذكار الصباح يسأل نفسه بس يكون صريح مع نفسه بالله عليكم
من أنا ولو كانت ثقافته إنجليزي يقول WHO AM I
شفته سهلة إزاي بس الجدع اللي يجاوب يعني بلاش بقى منظرة و تغيير للحقائق, يشوف نفسه بجد على حقيقته وياريت بعد ماتجربه الموضوع ده وتسأله انفسكم كل وحد يكتب تعليق على الموضوع ده ويقولي حس بايه ووجد هو إيه افاد الإسلام في إيه افاد بلده في إيه افاد أسرته في إيه ولا حتى افاد نفسه في إيه, ياجماعة ممكن يكون اسلوبي هدام شوية بس أنا مش قصدي كده أنا قصدي إن كل واحد يشوف هو إيه وعمل إيه من اللي هو عايزه ويشوف هو فين من سيد الخلق سيدنا محمد صلي الله عليه وسلم وهو المثل الأعلى الذي يجب أنا نسعى لنكون مثله, أو من أبوبكر الصديق أو رفاعة الطهطاوي أو الحسن ابن الهيثم او نجيب محفوظ أو أحمد زويل ناس كتير وممكن من الاجانب مثل البيرت اينشتين أو يوري جاجرين أو هيلين كيلير وطبعا كل واحد من الناس ديه هخصصله موضوع خاص به عشان نشوف الناس ده عملت إيه عشان تكون ناس مختلفة مش مجرد ناس عادية تنام وتقوم وتاكل وخلاص الناس ده غيرت في التاريخ في مجلات مختلفة منهم في الاسلام واللي في الطب ,الهندسة ....etc المهم إنه كان مختلف في حاجة فـلازم كل واحد يشوف هو بيحب إيه ويحاول يتعلم مش مهم شهادته فى ايه المهم هو بيحب ايه وعندنا دليل على ذلك الاديب الكبير عباس محمود العقاد ابن محافظة اسوان الذى لم ينل حظا من التعليم إلا الشهادة الابتدائية ولكنة غير حياته حتى اصبح من اشهر الادباء المصريين بالذمة الراجل ده لو فكرنا فيه شوية مش ممكن يحرك جوانا حاجة يخلينا نتحده كل الظروف, المهم ياجماعة خلاصة الموضوع ده إن لازم كل واحد يحاول ان يكون مختلف مش لازم يكون مختلف إنه يعمل حاجة خارقة أو باللغه المصرية المستحدثه يعمل حاجة واو ,المهم إنه يعمل حاجة ينفع بها المجتمع أو أسرته أو حتى نفسه وصدقوني اللي عايز حاجة ومصمم عليها بيعملها وربنا بيساعدوه وبيسره الأمر بس لازم يكون هو عايز يعملها ويخلص فيها والكلام ده صدقوني عن تجربة شخصية هاحكيلكم عليها بعدين في موضوع خاص بيها عشان هي فعلا خلتني مختلف, المهم كل واحد هيقرأ الموضوع ده يفكر ويحاول ويحط هدف ويشوف هو ممكن يكون مختلف في إيه ويبتدي وياريت يبعتلي تعليق هو فكَّر في إيه ونوى يكون إيه ونحاول نساعد بعض لنكون مختليفين حتى نفيد الإسلام والمجتمع وأنفسنا ويارب اجد 1000000 تعليق بكرة على هذا الموضوع لــ1000000 واحد بيحاول يكون مختلف ممكن نطلع منهم بواحد فعلا مختلف...والله ممكن.
أنا حابب إني اضع بعد العناصر اللي ممكن تساعدنا إننا نكون مختلفين وهي :
1- نضع هدف .
2- نحاول نوصله.
3- الإصرار عليه.
4-الإخلاص فيه لله.
5-عدم اليأس بالله عليكم.
واللي شايف عناصر تانية أنا نسيتها ممكن نضيفها يقولي عليها في تعليقه ممكن تساعدنا to be different.
على فكرة أنا حابب إني آخر كل موضوع إن شاء الله أقول حكمة وحكمة الموضوع ده
No Pain No Gain
السلام عليكم بقى.
